Rasmus Kjorstad frå Sør-Fron spel- og dansarlag gjekk av med sigeren i Spel fele B, den nest øvste «divisjonen» for felespelarar under Landskappleiken fredag.
Kjorstad fekk 84 poeng.
Andreplassen, med 79 poeng, gjekk til Britt Pernille Frøholm frå Hornindal Spelemannslag. Frøholm bur også på Sør-Fron.
Felespelarane i B-klassen spelte torsdag, men resultata vart offentleggjort fredag kveld.
Stipendstim til Midtdalen
Meir "gull" til Sør-Fron
Landskappleiken arrangerast i år i Vågå og samlar fleire tusen tilreisande folkemusikkentusiastar.
Torsdag vann Tom Willy Rustad, også han frå Sør-Fron, klassa for eldre folkemusikkinstrument.
Rustad representerer Spira spelemannslag, spelemannslaget til folkemusikklina på Vinstra vidaregåande skule.
Døla-siger i lagspel
Fredag var det også finalar i lagspel. Der var Midtdalen representert med Sør-Fron Spelmannslag og Mukampen spel- og dansarlag, i tillegg til at fleire av medlemmane i Gudbrandsdølenes spelemannslag er frå Midtdalen.
Og det var førehandsfavorittane med base i Oslo som stakk av med sigeren i lagspelklassa, eitt knapt poeng framfor Lom Spelmannslag.
Sørfrøningane trekte det lengste strået av dei to "reine" midtdalslaga. Med sine 85 poeng vart det likevel "berre" ein fjerdeplass på Sør-Fron Spelmannslag.
Mukampen hamna på sjuandeplass, fem poeng bak "rivalane" frå Sør-Fron. Ei trøyst er det da at
Til slutt tek vi med at elev ved folkemusiklina på Vinstra vidaregåande skule, Mari Midtli, vann vokal klasse B.
Dobbeltnominert til folkemusikkpris
Dølen kjem attende med meir frå landskappleiken laurdag.