Med hovudgata stengt for trafikk og to scener går underhaldninga non-stop heile dagen. Frå kulturskuleinnslag og seniordans ved opninga, til Terje Iversen Band og OnklP i kveld.
- Vi startar på den eine scena når det er ferdig på andre, slik slepp vi pauser med nedrigging, seier kunstnarisk ansvarleg for byfesten, Vegard Moshagen.
Brannbil, sjukebil og politibil vart studert og prøvd av smårollingar på stasjonsparkeringa, og det gjekk an å helse på grisar, ei ku og kalvar, høner og kaninar i Stasjonsparken. Laugen og Kvikne 4H laga pinnebrød ved bålpanna. Dessutan kunne du prøve potetløp.
Mange var på plass i Palmerhagen og ved byscena da den offisielle opninga gjekk føre seg, og ennå fleire da landbruksopptoget kom nedregate, kommentert frå scena av kulturbonden i nabokommunen, Øystein Rudi.
Sjå biletserien frå føremiddagen.