Jordbrukstalla for 2015 er klare. Dei syner at jordbruksinntektene auka med heile 13 prosent, men det er storbøndene som får betydelig med auka inntekter. Mindre bruk har stått nesten i ro. Det syner tala frå Norsk institutt for bioøkonomi
– Hovudlinjene er økonomisk framgang, og mest til dei største, fortel Torbjørn Haukås. Seniorrådgjevaren i NIBIO er prosjektleiar for dei årlege driftsgranskingane i jordbruket.
Korn og svin
Dei årlege driftsgranskingane utført av (NIBIO) omfattar rekneskapstal frå 908 bruk fordelt over heile landet for 2015. Det er dei som kombinerer korn og svin, som verkeleg kom godt ut av året. I snitt har inntekta til korn- og svinebøndene auka med 41 prosent. Med ei inntekt på 440 000 kroner per årsverk var det ingen andre større driftsformer som betalte seg betre i fjor.
– Den store inntektsauken kjem frå høgare prisar på produkta. Prisen slår langt hardare ut på dei store bruka. I tillegg har det vore ei lita dreiing i jordbruksoppgjeret slik at heiltidsbonden får meir, seier han.
Vann fram med klage
Flatbygdene og Jæren
Bøndene på flatbygdene på Austlandet og på Jæren tener mest. Det er òg dei tunge jordbruksregionane som har den største framgangen. Mindre bruk ellers i landet, har stått nesten i ro.
– På Vestlandet, til dømes, står utviklinga heilt i ro, seier Torbjørn Haukås.
Landbruks- og matminister Jon Georg Dale, uttalar at han er nøgd med utviklinga.
– Rammevilkåra er så gode at både investeringsvilja og produksjonsvilja er høg. Det legg eit godt grunnlag for komande år, seier han i ei uttale vedrørande tala frå NIBIO.