Mannen var i eit følge på fleire, da han køyrde ut av løypa i eit parti rett ovanfor mellomstasjonen i Kvitfjell klokka 18.30 fredag kveld.
Politiet skal oppover til Kvitfjell etter at anlegget stenger laurdag, men har sikra seg bilete frå i går.
Dei fekk ikkje melding om ulykka før nærare halv elleve fredag kveld, fortel vakthavande på operasjonssentralen til Dølen.
Livstruande skadd
Mannen skal ha kjørt inn i eit sikkerheitsnett, og var teke hand av skipatrulje på staden, i tillegg til at ambulanse og luftambulanse vart tilkalla.
- Det var andre i reisefølget til mannen som varsla oss om ulykka, seier Odd Stensrud, dagleg leiar i Kvitfjell.
Mannen vart frakta til Ullevål OUS. Sjukehuset melder at den 51 år gamle mannen var livstuande skadd ved ankomst sjukehuset.
Stensrud seier skianlegget ikkje har til praksis å varsle politiet når dei har situasjonen under kontroll, men at dei rutinemessig varslar om alvorlege hendingar i etterkant.
Rett før jul døydde ei ung kvinne etter skader ho vart påført i ei ulykke i same område av skibakken.
- Vi hadde ei svært alvorleg ulykke her før jul, men dette var ei heilt ulik hending. Desse ulykkene har ingen samanheng, seier Stensrud.