Dette stadfester Monshaugen sjølv i ein sms og rådmann i Sør-Fron, Jan Reinert Rasmussen, til Dølen torsdag morgon.
Lærarane ved Sør-Fron ungdomsskule skal ha fått beskjed om oppseiinga same dagen, altså måndag, og etter det Dølen kjenner til er elevane og foreldre også informert.
- Lærarane vart orientert på måndag ja, men kva som seinare er orientert om frå skulen si side veit ikkje eg, seier rådmannen.
- Kva gjer Sør-Fron kommune nå?
- Vi har ein tilsett som har sagt opp jobben sin, han har tre månaders oppseiing. Så må vi sjølvsagt førebu å lyse ut stillinga, og finne ei overgangsordning, seier Rasmussen.
Samtale med kommunalsjefen
Rådmannen vil ikkje gå inn på bakgrunn for oppseiinga.
Beskjeden foreldre til elevar på ungdomsskulen fekk i går, var at rektor har sagt opp stillinga si, og vil slutte innan stutt tid.
- Pedagogisk rådgjevar Jorunn Jorunn Haverstad kjem til å fungere som rektor i mellomtida, seier Jan Reinert Rasmussen.
- Vil Monshaugen jobbe ut oppseiingstida si?
- Monshaugen kjem til å ha ei samtale med kommunalsjefen i morgon, for å setja på plass detaljer, meir kan ikkje eg seie til deg, seier rådmannen.
Måndag kjem formannskapet i Sør-Fron til å få ein sak frå administrasjonen om å lyse ut stillinga som rektor.
Jon Monshaugen har vore rektor ved Sør-Fron ungdomsskule sidan 2015.
Saken er oppdatert.