Romanen, der handlinga er lagt til ei «ny» bygd i Gudbrandsdalen, kjem til hausten, stadfester forlaget.
For dei av lesarane som har tørsta etter ein oppfølgar av Svøm med dem som drukner; de må vente litt til.
Det er ei heilt ny og anna historie Mytting leverer i haust, og allereie før ho er lansert her heime, er boka seld til fem andre land, fortel informasjonskonsulent i Gyldendal, Julie Kalager.
I innspurten
Nok ein gong er handlinga lagt til ein fiktiv Gudbrandsdal, denne gongen i ei bygd som har fått namnet Butangen.
I følge Kalager, har Mytting brukt veldig mykje tid på research i historiske hendingar frå Gudbrandsdalen i arbeidet med den kommande romanen.
– Handlinga er ikkje i nåtid, men går noko bak i tid, seier Kalager.
Lars Mytting er travelt oppteke i innspurten av boka når vi ringer, og lovar å ta ein prat med Dølen litt nærare lansering.
