Lam til topps

Annis pølsemakeri vart ein av medaljevinnarane under årets NM i kjøttprodukter torsdag denne veka.

- Dommarane likte godt vår utbeina lammesadel Dry Aged med pesto, og gav oss gull for den, seier bedrifta i ein facebookpost.

Gullmedalja kom i klassa grill - lam, og i tillegg vanka det også sølvmedalje i klassa snadderpølse, røkt.

- Vi fekk også sølv for vår frankfurter, seier ho.

I 1983 inviterte kjøttbransja i Norge for fyrste gong til fagkonkurranse. Opplysningskontor, leverandørar og øvrig fagmiljø bidreg til gjennomføringa. I 1994 vart den fyrste norgesmeistaren kåra. For bedriftene er NM en effektiv arena for testing av eigne produkt. NM i kjøttprodukter er ope for alle bedrifter, og blir arrangert av KLF (Kjøtt- og fjørfebransjen) Servicekontor AS.