Det var mange på Austlandet som vakna opp til kaldt og klart vær på vekas første dag. Mandag morgon er det meldt låge temperaturar over heile landsdelen. Aller kaldast var det på Leirflaten med 25,9 grader.

– Det er på tide å ta fram ullsokkane før leggetid. Det blir kaldare framover, skriv Meteorologisk institutt på Twitter måndag.

Fleire stadar på Austlandet kraup gradestokken godt ned mot 20-talet.

Vakthavande meterolog fortel at i Midtalen vil det bli gradvis kjølegare utover veka, og at den kalde lufta vil vedvare ei god stund.

– Temperaturen vil ligge litt under det som er normalen for denne tida på året. Vi kan rekne med at minusgradane held fram, men det er venta meir varierande temperaturar utover i neste veke, seier meteorologen.

Lengst nord i Gudbrandsdalen kan det kome litt snø frå onsdag, men det er ikkje snakk om store mengder, får Dølen opplyst.