Etter fem tidlegara byfestar, vel Nord-Fron kommune i år å flytte festen frå Nedregate. Den fyrste helga i september håpar arrangøren å skape folkefest på vestsida av Laugen, nærare bestemt ved Vinstrahallen.
Har hatt utfordringar
Det er fleire grunnar til at byfesten i år blir fløtt, og der er også gjort nøye vurderingar, fortel kommunalsjef Anita W. Heggestuen.
- For det første har vi i år eit litt mindre budsjett, og ved å arrangere byfesten ved Vinstrahallen får vi billigare arenakostnader. Dessutan ser vi fordelar ved å få festen inn på ein meir komprimert arena. Nedregate er lang og smal, og det har skapt nokre utfordringar for oss, seier Heggestuen, og nemner at dei mellom anna ikkje har klart å få til ei universell utforming, slik at også rullestolbrukarar kan kome seg fram.
Kanonstart på byfesten
Ny giv og utvikling
Som før er Vegard Moshagen kunstnerisk leiar. Han og ser mange fordelar ved å teste ut ein ny arena.
- Byfesten har vorte større enn vi tenkte. Vi ønskjer å få eit litt større mingleareal, og nå kan vi også køyre program samstundes på utescena og på scena i hallen. Vi trur at forandring kan skape ny giv og utvikle byfesten vidare, seier han, med bekreftande nikking frå resten av arrangørteamet.
Gjengen Dølen møter er nesten sprekkeferdige etter å avsløre årets program.
- Programmet blir under same lest som før, smiler Moshagen.
- For det fyrste vil vi bruke byfesten til å vise fram lokale talent. Dei lokale banda Hillbabies, som er eit hyllestband til Hellbillies kjem, det same gjer vinstravær Terje Bjørkheim sitt band, Sinsenfist. Elles blir det eige talkshow, "By night med Terje Bjørkheim og Bjørn Sletten". Laurdagskvelden kjem Staut og Admiral P, band vi meiner vil treffe eit breitt publikum, fortel den kunstneriske leiaren.
Gammaldansen vil også få ein sentral plass på årets byfest.
- Den er ein viktig del av kulturarven vår, og fortener å få ein stor plass på byfesten. I år får vi også dansegolv inne i Vinstrahallen, seier Moshagen.
Di Derre rocket byfesten
Smørebussen kjem
I år blir det også ei eiga bymesse laurdag, med prest Terje Elevestad på byscena. Marknad, med utstillarar, matboder og lag- og organisasjonar blir, som alltid, ein vesentleg del av arrangementet.
Med i arrangørteamet er også Sparebank 1 Gudbransdal ved assisterende banksjef, Trond Slåen.
- Vi har ei samarbeidsavtale med Norges skiforbund, og dette gjorde at vi i år klarte å få smørebussen til skilandslaget til byfesten. I bussen blir det aktiviteter å vera med på, mellom anna kan ein prøve stakemaskin. I tillegg blir Sigrid Rykhus med for å ha utetime med mange ulike aktivitetar, fortel Slåen, som også kan avsløre at ein landslagsutøvar vil vere med på turen.
- Kven dette er veit vi ikkje ennå, men den som kjem vil også halde foredrag, seier han.
Gudbrandsdalsløpet same helg
Gudbrandsdalsløpet vert også dette året arrangert som ein del av byfestprogrammet. Det meiner Willy Heimstad i Gudbrandsdal Motorvognklubb er positivt.
- Vi har som før start ved Peer Gynt kjøpesenter, og med at byfesten blir på denne sida av elva, får vi kanskje eit enda større publikum. Vi har rundt 120 bilar til start i løpet, med både to og tre passasjerar i kvar bil, fortel han. Løpet i år går om Fåvang, med innlagt stopp der, i tillegg til fire andre stoppar undervegs.
- Minst like god byfest
I år er budsjettet for byfesten på 200 000 kroner. Det har gått frå 500 000 kroner, ned til 300 000 kroner i fjor, til årets kostnadsramme.
- Sjølv om kostnaden har gått ned, så betyr ikkje det at kvaliteten på programmet blir dårligare. Vi skal få ein minst like god byfest, seier fungerande ordførar, Anne Sletten.
Ho ønskjer seg attendemeldingar frå publikum som deltek på festen.
- Å ha festen ved Vinstrahallen har vore eit alternativ i alle år, og eg meiner det er flott at vi på Vinstra har molegheiten til å halde byfest på fleire plassar. Ut i frå byprosjektet er da også bykjerna strekt opp i heile området som favnar om Lomoen og deler av Nedregate, så det har ikkje noko med kor vi ønskjer å ha sentrum å gjere. Vi ser denne arenaen som verdt å prøve ut, seier Sletten.
Anita W. Heggestuen og resten av gjengen håper å skape nok en folkefest under byfesten.
- Dette er ein fest som skal vere for alle. Vi skal vise fram det vi er stolte av, og gjere folk stolte av å kome frå Vinstra. Nå har vi teke sjansen på å fornye oss og prøve noko nytt. Vi tru at dette vil bli ein kjempefin arena, slår ho fast.