– Dei store samfunnsutfordringane, omstilling i næringslivet og fornying i offentleg sektor krev at vi satsar på kompetanseheving. Desse pengane skal bidra til å gi tilsette og bedrifter i heile landet oppdatert kunnskap, seier forskings- og høgare utdanningsminister Oddmund Hoel (Sp).
Desse bransjane får pengar til utdanningstilbod
Avfalls- og gjenvinningsbransjen kr 11 461 313
Industri - og byggjenæringa kr 11 119 955
Jordbruks-, skogbruks- og gartnerinæringa kr 11 544 276
Finansnæringa kr 22 005 353
Informasjonstryggleik og IKT-bransjen kr 26 545 562
Bransjeprogramma er eit spleiselag. Staten betaler for at fagskular, høgskular, universitet og andre kurstilbydarar skal utvikle og drifte relevante tilbod. Bedriftene og den enkelte tilsette investerer si tid.
Målet er at tilsette, permitterte og ledige i bransjar med særleg behov for endring får nødvendig kompetanse til å meistra nye oppgåver, og dermed blir i jobben.
Ole har drevet som gartner i 30 år: - Fra februar til juli går det i hundre
Tett samarbeid med arbeidslivet
– Sidan vi kom inn i regjeringskontora i 2021 har vi lagt stor vekt på å styrke fagskulane, satse på kompetanseutvikling og samarbeide tett med partane i arbeidslivet om læring heile livet, seier Hoel.
Det er partane i arbeidslivet som har foreslått kva bransjar som bør ha bransjeprogram.
Program innan avfalls- og gjenvinningsbransjen, jordbruks-, skogbruks- og gartnerinæringa er inne i sitt tredje og siste år med bransjeprogram. Programmet for industri - og byggenæringa blir vidareført for ein ny treårsperiode
To nye bransjeprogram
Programma innanfor finansnæringa og informasjonstryggleik og IKT-bransjen er nye og er under utvikling.
– Finansnæringa har dei seinare åra møtt nye krav, mellom anna til grøne og berekraftige investeringar. Dette gir behov for ny og oppdatert kompetanse. Informasjonstryggleik og IKT treffer fleire sektorar. Dette bransjeprogrammet vil difor kunne føre til at mange får påfyllet dei treng, seier Hoel.
Det er Direktoratet for høgare utdanning og kompetanse (HK-dir) som administrerer bransjeprogramma.
– Vi ser at bransjeprogramma er etterspurde og treffer godt. Det gode samarbeidet med partane i arbeidslivet gjer at vi får etablert ei rekke korte og fleksible utdanningstilbod som er skreddarsydde til behovet i bransjane, seier direktør i HK-dir, Sveinung Skule.
Fakta
I 2024 kom det inn 107 søknader.
Totalt vart det søkt om: 250 millionar kroner for utvikling og gjennomføring i 2024-2027.
Tildeling 2024: 82,7 mill. kr. til 53 prosjekt.
Kirkene får 10 milliarder for å bevares som kulturminner
Kyrkjerestaurering, skogskjøtsel og IKT
I tabellen under er nokre av dei nærliggjande tilboda lista opp. Her kan du sjå fullstendig liste over kven som har søkt og fått støtte.
Studieforbundet AOF har vaksenopplæring som hovedformål, og har tilbod om opplæring for alle, uavhengig av politisk eller sosialt ståsted.
Søker | Sakstittel | Tilsagnsbeløp |
INNLANDET FYLKESKOMMUNE | Kyrkjerestaurering - ei teoretisk innføring | 2 537 500 |
HØGSKOLEN I INNLANDET LILLEHAMMER | Kompetanseutvikling for Informasjonstryggleik - og IKT bransjen | 3 861 654 |
INNLANDET FYLKESKOMMUNE | Modulutdanning Industri 5.0 - fordjuping i metall | 1 675 180 |
INNLANDET FYLKESKOMMUNE | Kvalitet for berekraftig omstilling i landbruket, omarbeidde Kvalitetsrevisor | 1 764 750 |
STUDIEFORBUNDET AOF NORGE | 2024 Bransjeprogram - formål 4 - Kvalitet og miljø i offentlege anskaffingar | 1 185 970 |
STUDIEFORBUNDET AOF NORGE | 2024 Bransjeprogram - formål 6 - Sirkulærøkonomi - ombruk | 1 059 347 |
STUDIEFORBUNDET AOF NORGE | 2024 Bransjeprogram - formål 5 - Avfallshandtering og arealplanlegging | 1 036 036 |
STUDIEFORBUNDET AOF NORGE | 2024 Bransjeprogram - Informasjonssikkerheit og IKT: Handtering av personvern, etikk og GDPR | 1 224 430 |
STUDIEFORBUNDET AOF NORGE | 2024 Bransjeprogram - Informasjonstryggleik og IKT: Bestillerkompetanse | 1 224 430 |
STUDIEFORBUNDET AOF NORGE | 2024 Bransjeprogram - Informasjonssikkerheit og IKT: Digital sårbarheit og tryggleik | 1 224 430 |
STUDIEFORBUNDET AOF NORGE | 2024 Bransjeprogram - Formål 3 – Leiarfag for dei 3 næringane | 1 325 695 |
STUDIEFORBUNDET AOF NORGE | 2024 Bransjeprogram - Formål 5 - Profesjonell skjøtsel og forvalting av skogeigedom | 1 568 023 |
STUDIEFORBUNDET AOF NORGE | 2024 Bransjeprogram - Formål 5 - Trygg bruk av motorsag og ryddesag tilpassa landbruket | 1 067 040 |
STUDIEFORBUNDET AOF NORGE | 2024 Bransjeprogram - Formål 5 - Biologisk plantevern | 947 158 |
STUDIEFORBUNDET AOF NORGE | 2024 Bransjeprogram - Formål 5 - Varme arbeid i landbruket | 845 015 |
STUDIEFORBUNDET AOF NORGE | 2024 Bransjeprogram - Formål 6 - Spelereglar i arbeidslivet, partssamarbeid og kulturell forståing | 802 845 |