Det er i samband med andre høyringsrunde for kommuneplanens arealdel at Fylkesmannen reagerer.
- I kommuneplanen for Ringebu legg ein opp til svært omfattande hyttebygging. Talet på fritidsbustader er auka frå førre høyringsrunde til trass av tydelege innvendingar frå regionale styresmakter, utan at det er grunngjeve med forventa etterspurnad i planperioden, heiter det på fylkesmannens nettsider måndag.
- Situasjonen er uakseptabel
Stor reserve
I planperioden er etterspurnaden av fritidsbustader rekna til om lag 800 einingar.
- Samla reserve med framlegget som ligg føre er oppgitt til 4.100 enheter. Kommunen har store reserver i Kvitfjell, og her har Fylkesmannen i all hovedsak støtta opp om utbygging, skriv Fylkesmannen.
På grunnlag av dette, og for å følgje opp intensjonane i regional plan for Rondane-Sølnkletten, om sikring av leveområda til villreinen, opprettheld Fylkesmannen motsegna til all ny fritidsbygging i utviklingssona og buffersona.
Også skjerpa jordvern
Der syner ein også til at Stortinget i 2015 skjerpa inn jordvernet, og at Fylkesmannen også følgjer opp dette med ei meir restriktiv haldning i høve til omdisponering av dyrka mark ved denne høyringa.
Det blir også understreka at ein har hatt dialog mellom Fylkesmannen og kommunen etter 1. gangs høring og at mange motsegner er avklart.
- Fylkesmannen ønskjer også eit møte med politisk og administrativ leiing i kommunen for gjennomgang av våre motsegner, heiter det.
Høyringsfristen for 2. gongs høyring er måndag denne veka.