Dermed blir den fyrste delen av ny E6 opna, ei god stund før resten av strekninga mellom Frya og Sjoa er klar til hausten.

Arbeid med lokalvegen

Arbeidet med forsterkingslag er i gang, og asfalten er ferdiglagt på av- og påkjøringsrampene. I løpet av mai skal 3000 tonn asfalt vera lagt over den 1.2 kilometer lange strekninga.

- Vi er bra i rute, seier driftsleiar for AF, Rolf Mikkelsen.

Når asfaltarbeidet er ferdig, står det att skilting, merking og arbeid med rekkverk før dei fyrste bilane kan køyrast på ny E6 over Fryastrekka.

Grunnen til at bilane må over på nyvegen såpass lenge før den offisielle opninga, er at ein treng plass til arbeid med lokalvegen i området.