Og det er lokale entreprenørar som gjer jobben, når ein av Midtdalens aller største arbeidsplassar får ei skikkeleg ansiktslyfting.
– Nå lagar vi ein tipp, topp, moderne arbeidsplass. Det er ei stor verdiskaping for distriktet. Det befestar GE sin posisjon lokalt og viser at vi invisterer for framtida, seier administrerande direktør i Gudbrandsdal Energi, Bjarne Slapgard, til Dølen.
Støper kjempegolv for Posten
Det er Vinstra-firmaet O.M. Bakken Bygg som har hovudentreprisen på oppussinga, med lokale underentreprenørar – der det er mogleg å finne kompetansen lokalt, fortel Slapgard.
– Totalt kostar det om lag 10 millionar kroner å ruste opp bygget, forklarar Per Oluf Solbraa i GE.
Nødvendig oppgradering
Og ei oppgradering var høgst nødvendig, seier Solbraa og Slapgard.
– Bygget er frå 1974, og eit bygg som har stått så lenge krev etter kvart oppgraderingar, både bygningsmessig, men også i forhold til tryggleik, seier Slapgard.
Spesielle krav
For kraftbransjens kontorlokalar er ikkje som andres kontorlokalar.
– Vi må tilfredsstille krava i den bransjen vi er i, mellom anna gjeld det beredskap. Så det er ikkje eit vanleg kontorbygg, seier Slapgard.
Nå er GE et konsern
Han seier det blir innført nye rutinar med adgangskontroll og reglement i forhold til legitimering av besøkande.
– Det er krav til energiaktørar på desse områda som vi måtte få gjennomført. Da gjorde vi samtidig bygningsmessige justeringar, seier direktøren.
Skal vera ryddig
Bygget har fått ny fasade, i tillegg til oppgradering av ljos og inneklima, med tanke på arbeidsmiljø og trivsel.
– De ligg godt synleg midt i Vinstra sentrum. Er det noko de tenkjer på når de nå «pussar» opp?
– Ja, vi er opptatt av det, og vi er opptatt av at det skal sjå pent ut i sentrum og rundt oss. Samtidig har vi eit høgt aktivitetsnivå på anleggsbiten vår, og lever i krysningspunktet mellom det og at det skal sjå nokonlunde ryddig ut, seier Slapgard og Solbraa.
Den siste tida har GE-staben helde hus i brakkar. I følgje GE skal heile staben vera på plass att i nyoppussa lokalar i midten av november.