I følgje tal Dagbladet har henta inn, skal Mytting nå ha selt over 350 000 eksemplar av boka "Hel ved", som kom ut i 2011.

Boka har selt over 78 000 eksemplar i Sverige, 56 000 i Tyskland og 46 000 i Storbritannia. Der har boka fått tittelen «Norwegian Wood».

Sjukeleg anglofil

- Det går som ei kule. Og det er ekstra gøy med England sidan eg er sjukeleg anglofil og blant anna eig tre og ein halv engelsk bil - om du reknar med delane. Det er eit land eg kjenner meg heime i og er veldig glad i, seier Mytting til Dagbladet.

I følgje den britiske storavisa The Guardian, som også har merka seg fåvangingens vedhyllest, skal Myttings bok på eit tidspunkt i oktober ha vore heilt oppe på andreplass på Amazon si bestseljarliste.