I vedtaket heiter det at Sør-Fron kommune vil ta i mot inntil 14 kvoteflyktningar frå Syria i 2016 som anmoda om frå BLD (Barne- og likestillingsdepartementet).
– Vi kunne sikkert vedteke å ta imot fleire, men dette er realistisk, seier ordførar Ole Tvete Muriteigen til Dølen.
Klarer ikkje å huse flyktningar
Det var hans forslag som samrøystes gjekk gjennom i formannskapet.
– Vi opnar også for at private kan bygge ut, legg Muriteigen til.
På vilkår
Sør-Fron kommune set som vilkår at det kan framskaffast tilgjengelege bustader for kvoteflyktningane i Sør-Fron, og at dei kommunale tenesteområdene, inkludert NAV Sør-Fron, som arbeider med busetjing og oppfølgjing av flyktningar, får auka ressursar. I tillegg ønskjer formannskapet at staten gir auka økonomiske ressursar til kommunar som stiller opp i nasjonaldugnad for å ta imot fleire flyktningar, og bed om at Husbanken sine rammer for tilskot til bygging og kjøp av utleigebustader blir auka.
– Kommunane vil stille opp
KS-leiar Gunn Marit Helgesen er overtydd om at kommunane stiller opp om dei blir sett i stand til det økonomisk.
– Om kommunane får ressursane som er nødvendig, er eg heilt sikker på at dei stiller opp for å ta imot og busetje menneske på flukt frå krig og forfølgjing, seier styreleiar i KS, Gunn Marit Helgesen.
Partiene i Stortinget er einige om å bevilge 50 millionar kroner ekstra i årets statsbudsjett til kommunar som tek imot ein større andel flyktningar enn folketalet tilseier, og Integrerings- og mangfaldsdirektoratet (IMDI) har bede om. I tillegg blir bevilgningane til bustøtte gjennom Husbanken auka med 30 millionar kroner.
KS’ styreleiar understreker at når Stortinget vedtek å ta imot 8.000 fleire overføringsflyktningar i åra 2015-17, er det avgjerande at politisk engasjement nasjonalt og lokalt blir kombinert med økonomiske rammer som gjør busetjing mogleg.