Den norske folkemusikktradisjonen kjem til sin beste rett i soloformatet. Det er fordi leikane ofte har ei enkel grunnform som gjennom ornamentikk, større og mindre variasjonar, samt personlege særtrekk kva gjeld tonalitet og rytmikk, vert til mykje meir avansert og impulsiv musikk.
Rasmus til topps på Landskappleiken
Saman med kveding, eller «å syngje gåmålt», som Kristian P. Åsmundstad kalla det, er felemusikken noko av det mest særeigne kulturelle uttrykket vi har her til lands, skriv plateselskapet Talik i ei pressemelding.
– Til saman freistar vi å spele låtane noko usentimentalt ved å skrelle bort eventuelle nasjonalromantiske idear rundt folkemusikken. Vi er interesserte i eit uttrykk som vil ein stad, som riv til seg og sender lyttaren av garde inn i musikken, seier Hans og Rasmus Kjortstad.
Debuterer saman
Dei to brørne går i dag båe på Musikkhøgskulen i Oslo. Plata «Pusinshi Ulla» er deira fyrste utgiving saman.
– Vi har vore så heldige å veksa opp med denne musikken, men har også vore opptatt av å sjå i andre retningar, som barokkmusikk av mellom anna J. S. Bach og H. I. F. Biber, via 60- og 70-talets folkemusikkrørsle i Storbrittania, som til samtidsmusikk- og improutøvarar som Nils Økland, Christian Wallumrød, Streifenjunko, Sheriffs of Nothingness, Moskus og andre med tilknytting til plateselskap som SOFA, ECM og Hubro, seier Hans og Rasmus vidare.
Stipendstim til Midtdalen
Respekt for slåttetradisjonen
– Det er i alle fall vår enorme respekt for den eldre slåttetradisjonen i Gudbrandsdalen som ligg i botn, og vi trivst godt med å ta tak i noko som er ekstremt lokalt, for så å setje det inn i ein større kontekst.
Lydmester, Audun Strype, forstod umiddelbart at dei ville ha fram det råe og upolerte i musikken, seier spelemennene.
– Han har på mange måtar vore ein raud tråd i prosjektet, med røtene sine på Fron har han reist verda rundt i teneste for all slags rar musikk. Med god støtte fra produsent Anders E. Røine har vi fått selvutllit til å kjøre denne ideen helt ut, avsluttar dei.
– Må ein alltid føle så mykje?
På turne
Dei to brørne startar turneen sin i samband med platesleppet denne veka på Riksscenen i Oslo torsdag.
Fyrstkommande onsdag blir det høve til å høyre dei på hemebane – da er det konsert på Rudi gard.
– Hans og Rasmus Kjorstad er markante felespelarar i det unge folkemusikkmiljøet i Noreg, og dei studerer båe ved Norges Musikkhøgskole. Når dei spelar saman tek dei i bruk folkemusikkrepertoaret frå Midt-Gudbrandsdalen, og dei tradisjonelle låtane vert framført i gnistrande samspel, heiter det i ei pressemelding frå arrangøren, Rudi gard.